Idman.biz
Ağırlıqqaldırma üzrə Azərbaycan çempionatına yekun vurulub.
İdman.Biz xəbər verir ki, son yarış günü daha üç çəki dərəcəsində qaliblərin adlarına aydınlıq gəlib.
Qasım İsmayılov 79 kq çəki dərəcəsində toplamda 291 kq (126 kq+165 kq) nəticə ilə birinci olub.
88 kq çəki dərəcəsində toplamda 321 kq (146 kq+175 kq) nəticə ilə Akif Abdullayev rəqiblərndən üstün olub.
Məmməd Əhmədzadə isə 94 kq çəki dərəcəsində toplamda 296 kq (135 kq + 165 kq) nəticə ilə qələbəni bayram edib.
14:32
Ağırlıqqaldırma üzrə Azərbaycan çempionatında kişi atletlərin mübarizəsi davam edir. Turnirin növbəti günlərində daha üç çəki dərəcəsində qaliblərin adları məlum olub.
İdman.Biz xəbər verir ki, 60 kq çəki dərəcəsində mübarizə aparan Mirmöhsüm Tağızadə rəqiblərini qabaqlayaraq fəxri kürsünün ən yüksək pilləsinə qalxıb. O, toplamda 175 kq (76 kq + 99 kq) nəticə göstərməklə çempionluğunu rəsmiləşdirib.
Daha gərgin mübarizə 65 kq çəki dərəcəsində müşahidə olunub. Burada Musab Məmmədtağıyev toplamda 256 kq (111 kq + 145 kq) çəkinin öhdəsindən gələrək qızıl medala sahib çıxıb.
Günün ən yüksək göstəricilərindən birinə isə Fuad Həsənov imza atıb. 71 kq çəki dərəcəsində çıxış edən atlet toplamda 299 kq (141 kq + 158 kq) nəticə ilə bütün rəqiblərini geridə qoyub və Azərbaycan çempionu adını qazanıb.
