Sport24.az
"Neftçi"nin hazırkı xoşagəlməz vəziyyətə düşməsinə görə, rəhbərliyi qınamaq düz deyil. Fikrimcə, komandanın uğur qazanması üçün bütün şərait yaradılıb". Bu sözləri Sport24.az-a açıqlamasında veteran futbolçu Yunis Hüseynov deyib.
Yunis bəy "ağ-qaralar"ın uğursuz çıxışına görə, Miodraq Bojoviçi və futbolçuları ittiham edib: "nəticəyə cavabdeh şəxs baş məşqçidi. Ötən yay Mutunun "sükan arxasına" dəvət olunması yanlış addım idi. Onu yola salıb, əvəzində tez-tez klub dəyişməklə məşhurlaşan Bojoviçi gətirmək düz deyildi. Bizə konkret komandanı ayaqda saxlayacaq mütəxəssislər lazımdı. Bundan başqa futbolçu seçimi də bərbaddı. Bir-iki oyunçunu çıxmaq şərtiylə qalanları anlamır hansı klubun formasını geyinirlər. Vaxt var idi ki, tək yerlilər yox, legionerlər də başa düşürdülər ki, "Neftçi" Azərbaycanın köklü və tarix yazmış klubudu. Təəssüf ki, bunu bunun anlamayanlar bu gün "ağ-qaralar"ın şərəfini qoruyur. Kollektiv də xarakter görmürəm. Baş məşqçi də bu biabırçılıqla barışıb. Sadəcə, baş aldadırlar. Məhz buna görə də komanda tənəzzüldədi. Baş məşqçi və keyfiyyətsiz futbolçular yola salınıb yeni "Neftçi" qurmaq lazımdı".
Qeyd edək ki, qarşısına 2-ci olmaq məqsədi qoyulan "Neftçi" hazırda 47 xalla 4-cü pillə də qərarlaşıb
ABDULLA İSMAYILOĞLU
