Idman.biz
Misli Premyer Liqasının 31-ci turu çərçivəsində keçirilən "Turan Tovuz" - "Karvan-Yevlax" oyunu ev sahibinin 1:0 hesablı qələbəsi ilə başa çatdı.
İdman.Biz xəbər verir ki, bu qələbə ilə Qərb regionu təmsilçisi xallarını 59-a çatdıraraq turnir cədvəlindəki üçüncü pillədə yerini möhkəmləndirib. "Karvan-Yevlax" isə qrup sonuncusu kimi növbəti mövsümdə yolunu aşağı liqada davam etdirəcək.
Qeyd edək ki, 32 illik fasilədən sonra Tovuz klubu avrokuboklara çıxış vəsiqəsini təmin edib. 1994-95-ci illər mövsümündə komanda Azərbaycan çempionu statusunda UEFA Kubokunun təsnifat mərhələsində "Fənərbağça" komandası ilə oynayaraq iki oyunun nəticəsinə görə mübarizəni dayandırmışdı. Həmin vaxt ölkəmiz UEFA-ya yeni üzv olduğu üçün Çempionlar Liqasına yox, UEFA Kubokuna vəsiqə qazanmışdı.
18:10
Misli Premyer Liqasının 31-ci turu çərçivəsində keçirilən "Turan Tovuz" - "Karvan-Yevlax" oyununda ikinci hissə başladı. İlk 45 dəqiqədən sonra hesab 1:0 meydan sahiblərinin xeyrinədir.
17:52
Ayxan Hüseynov oyunun 46-cı dəqiqəsində hesabı açdı. "Turan Tovuz" 1:0 öndədir.
16:58
Misli Premyer Liqasının 31-ci turu çərçivəsində bu gün keçirilən iki oyun - "Turan Tovuz" - "Karvan-Yevlax" qarşılaşması başladı.
16:05
Saat 17:00-da start götürəcək "Turan Tovuz" - "Karvan-Yevlax" oyunu üçün start heyətlər açıqlanıb.
"Turan Tovuz": 1. Oleq Baklov, 17. Rəhim Sadıxov, 10. Xəyal Nəcəfov, 11. Ayxan Hüseynov, 5. Roderik Miller, 3. Enrike Silva, 23. Alexandro Serrano, 90. Joarlem Santos, 15. Emmanuel Hakman (k), 32. Hayderson Hurtado, 7. Xorxe Silva.
Ehtiyat oyunçular: 41. Sergey Samok, 13. Mehman Hacıyev, 88. Faiq Hacıyev, 6. Fərid Yusifli, 99. Vadji İbrahima, 19. Roberto Olabe, 8. David Tavareş, 2. Mark Rene Mampassi.
Baş məşqçi: Kurban Berdiyev.
"Karvan-Yevlax": 99. Pedro Mateuş, 6. Vadim Abdullayev (k), 33. Eltun Turabov, 13. Vüsal Məsimov, 14. Uğur Cahangirov, 16. Rauf Rüstəmli, 5. Emin Rüstəmov, 20. Coy Sleyd Mikels, 2. Şakil Sno, 11. Kayl Spens, 4. Olavale Doyeni.
Ehtiyat oyunçular: 1. Kamran İbrahimov, 25. Əmrah Bulud, 42. İbrahim Qədirzadə, 18. Süleyman Əhmədov, 17. Samir Abdullayev, 77. Əli Abdullayev, 37. Mois Nqvisani, 19. Tompson Qavi, 8. Peter Kings, 10. Samuel Durrant.
Baş məşqçi: Füzuli Məmmədov.
09:16
Bu gün futbol üzrə Misli Premyer Liqasının 31-ci turu çərçivəsində iki oyun keçiriləcək. İlk oyunda Tovuz şəhər stadionunda "Turan Tovuz" "Karvan-Yevlax"ı qəbul edəcək.
İdman.Biz xəbər verir ki, oyunun start fiti saat 17:00-da çalınacaq.
"Turan Tovuz" hazırda turnir cədvəlində 56 xalla üçüncü pillədə yer alıb. 14 xala malik "Karvan-Yevlax" isə sonuncudur.
Misli Premyer Liqası
Üçüncü dövrə, 31-ci tur
10 may (bazar)
17:00. "Turan Tovuz" - "Karvan-Yevlax"
Hakimlər: Əkbər Əhmədov, Akif Əmirəli, Zeynal Zeynalov, Niyaz Əhmədov
VAR: Elçin Məsiyev
AVAR: Namiq Hüseynov
Hakim-inspektor: Əmrah İbrahimov
AFFA nümayəndəsi: Eldəniz Musayev
Tovuz şəhər stadionu
