Sport24.az
Avrokuboklara vəsiqəni böyük ölçüdə təmin edən "Turan Tovuz" klubu növbəti mövsümün planlaşdırılmasına start verib. Sport24.az-ın əldə etdiyi məlumata görə, Tovuz təmsilçisi müdafiəçi Emmanuel Hakmanı komandada saxlamaq niyyətindədir.
Kurban Berdıyevin də etimadını qazanan 30 yaşlı toqolu futbolçu ilə artıq danışıqlara başlanılıb.
Klub rəhbərliyi ona daha bir illik müqavilə təklif edib. Tərəflər arasında razılığın əldə olunması ehtimalı yüksək qiymətləndirilir. Çünki Hakman da komandada qalmaqda maraqlıdır.
Qeyd edək ki, Emmanuel Hakman 2023-cü ildən "Turan Tovuz"un formasını geyinir və onun mövcud müqaviləsi bu yay başa çatır. O, cari mövsüm Misli Premyer Liqasında 25, ölkə kubokunda 2 matçda meydanda olub.
