Idman.biz
Məşhur "Transfermarkt" portalı Misli Premyer Liqasında çıxış edən futbolçuların bazar dəyərlərini yeniləyib. Son yeniləmə həm ayrı-ayrı oyunçuların qiymətlərində, həm də klubların ümumi heyət dəyərlərində ciddi dəyişikliklərlə yadda qalıb.
Məşhur "Transfermarkt" portalı Misli Premyer Liqasında çıxış edən futbolçuların bazar dəyərlərini yeniləyib. Son yeniləmə həm ayrı-ayrı oyunçuların qiymətlərində, həm də klubların ümumi heyət dəyərlərində ciddi dəyişikliklərlə yadda qalıb.
İdman.Biz xəbər verir ki, liqanın ən bahalı futbolçusu "Qarabağ"ın yarımmüdafiəçisi Leandro Andradedir. Onun bazar dəyəri 3 milyon avro (təxminən 6 milyon AZN) təşkil edir. Kabo-verdeli futbolçunun qiyməti əvvəlki illə müqayisədə 500 min avro (təxminən 1 milyon AZN) artıb.
"Ağdam klubu"nun hücumçusu Nəriman Axundzadənin də bazar dəyəri yüksəlib. Gənc futbolçunun qiyməti 2,5 milyon avroya (təxminən 5 milyon AZN) çatıb.
"Qarabağ"ın qapıçısı Mateuş Koxalski və dayaq yarımmüdafiəçisi Pedro Bikalyo hər biri 500 min avroluq (təxminən 1 milyon AZN) artım qeydə alıb. Bu dəyişikliklərdən sonra klubun ümumi heyət dəyəri 28,5 milyon avroya (təxminən 57 milyon AZN) yüksəlib.
Komandanın digər üzvlərindən Kamilo Duranın bazar dəyəri 750 min avroya (təxminən 1.5 milyon AZN) çatıb. Toral Bayramov, Elvin Cəfərquliyev və Emmanuel Addai isə 1,5 milyon avro (təxminən 3 milyon AZN) səviyyəsinə yüksəliblər.
Klub səviyyəsində Misli Premyer Liqasının ümumi bazar dəyəri 125,95 milyon avrodan (təxminən 251 milyon AZN) ibarətdir. Bu göstəricidə "Qarabağ" 57 milyon AZN ilə liderdir. "Sabah"ın heyət dəyəri 16,6 milyon avro (təxminən 33.2 milyon), "Zirə"nin isə 13,9 milyon avro (təxminən 27.8 milyon AZN) təşkil edir. "Neftçi"nin ümumi heyət dəyəri isə 12,13 milyon avroya (təxminən 24 milyon AZN) enib.
Hazırkı turnir cədvəlinə görə, Premyer Liqada "Sabah" 37 xalla liderdir. Onu 36 xalla "Qarabağ" izləyir. "Zirə", "Turan Tovuz" və "Sumqayıt" isə ilk beşlikdə yer alan digər komandalar kimi diqqət çəkir.
