Sport24.az
"Çox sevincliyik. Bizim üçün çox uğurlu və möhtəşəm mövsüm oldu". Sport24.az xəbər verir ki, bunu "Qarabağ"ın futbolçusu Toral Bayramov deyib.
Bayramov 2023/2024 mövsümünü də dəyərləndirərkən çempionluğu haqq etdiklərini də vurğulayıb: "11-ci dəfə çempion olmağı haqq edirdik. Mövsüm çətin keçdi. Çempionat əvvəlində ikinci və üçüncü sıralarda olurduq. Amma sonradan toparlandıq. Bütün var gücümüzü ortaya qoyduq".
"Qarabağ"da qalıb-qalmayacağı ilə bağlı sualı cavablandıran futbolçu bu mövzunun klub rəhbərliyinin səlahiyyətində olduğunu bildirib: "Transferlə bağlı nəsə demək istəmirəm. Bu işlə menecerlər, klub rəhbərliyi məşğuldur. Yaşayarıq görərik".
Toral avrokuboklarda barədə də fikirlərini bölüşüb: "Qarabağ" Çempionlar Liqasında ölkəmizi layiqincə təmsil edəcək. Üzərimizdə daha da çalışıb yaxşı mübarizə aparacağıq".
O, "Neftçi"nin avrokuboklardan kənar qalmasına da münasibət bildirib: "Futbolda bu cür hallar baş verir. Gələn mövsüm taleyimizin necə olacağı bəlli deyil. Futbolda belə şeylər olur".
