Sport24.az
Edinson Kavani Uruqvay millisindəki karyerasını başa vurduğunu açıqlayıb. Sport24.az xəbər verir ki, bu barədə futbolçu özü sosial şəbəkə hesabında məlumat verib. O, instaqram səhifəsində bunları yazıb:
"Artıq milli komandada oynamayacam. Bu gün sözüm azdır, amma hisslərim dərin. Uzun illər bu yolun bir parçası olan hər bir insana təşəkkür edirəm. Bu formanı geyindiyim və ölkəmi təmsil etdiyim üçün şanslıyam. Dünyada ən çox ölkəmi sevirəm".
Qeyd edək ki, hazırda "Boka Xuniors"da çıxış edən 37 yaşlı forvard millinin heyətində 136 oyun keçirib və 58 qola imza atıb.
