Sport24.az
"Komandamızın çıxışını çox müsbət qiymətləndirirəm. Çox yaxşı oyun oldu". Sport24.az xəbər verir ki, bu sözləri "Qarabağ"ın prezidenti Tahir Gözel Çempionlar Liqasının III təsnifat mərhələsinə vəsiqə qazandıqları "Şelburn"la oyundan sonra deyib.
O, komandasının layiqli qələbə qazandığını söyləyib: "Təmiz qələbə oldu. Əsas odur ki, futbolçularımız zədələnmədi. Yeni transferlər özlərini yaxşı tərəfdən göstərdilər. Daha iki transferimiz olacaq. İnanıram ki, qrup mərhələsinə vəsiqə qazanacağıq".
Qeyd edək ki, "Qarabağ" III təsnifat mərhələsində "Şkendiya" (Şimali Makedoniya) ilə qarşılaşacaq.
