Sport24.az
"Şamaxı" ilə səfər oyunları həmişə çətin keçir. 3 ilə yaxın idi ki, səfərdə qalib gələ bilmirdik". Bu sözləri Sport24.az-a "Sabah"ın futbolçusu Pavol Şafranko deyib.
30 yaşlı hücumçu ilk olaraq "Şamaxı"yə səfərdə qalib gəldikləri (2:1) Misli Premyer Liqasının II turunun oyunu ilə bağlı fikirlərini bölüşüb.
"Çempionata 3 xalla başlamaq bizim üçün çox vacib idi. Səfərə bu məqsədlə yollanmışdıq. Asan oyun olmadı. Matça yaxşı başladıq, rəqib sonradan hesabı bərabərləşdirsə də, xarakter göstərib qələbə qolunu vura bildik. Bizim üçün vacib olan 3 xalı qazandıq. Əsas olan da budur".
Forvard bu gün "İmişli"yə qarşı keçirəcəkləri III turun görüşünə də toxunub:
"Artıq əvvəlki oyunu unutmuşuq və növbəti qarşılaşmaya köklənmişik. Çempionatda hər oyun çətindir və qalib gəlmək üçün meydanda maksimumunu qoymalısan. "İmişli" ilə matçda da qələbə qazanmaq üçün çox ciddi hazırlaşmalıyıq. Çempionatda hədəflərimizə çatmaq üçün hər oyuna 3 xal üçün çıxmalıyq".
Qeyd edək ki, bu gün baş tutacaq "Sabah" - "İmişli" matçı saat 19:30-da start götürəcək.
