Sport24.az
Misli Premyer Liqasının III turunun son günündə bu gün daha iki oyun keçiriləcək. Sport24.az xəbər verir ki, günün ilk matçı Şamaxıda baş tutacaq.
Elitanın debütantı "Karvan-Yevlax" "Qarabağ"ı qəbul edir. Heç şübhəsiz ki, oyunun favoriti "köhlən atlar"dır. Mövsümə məğlubiyyətlə başlayan ağdamlılar qələbə qazanıb, aktivinə 3 xal yazdırmaq üçün meydana çıxacaq. Yevlaxlılar isə əvvəlki iki turda bir heç-heçə və bir qalibiyyətlə yadda qalıb. "Ağ-qaralar"ın məğlubiyyətsiz seriyanı davam etdirə biləcək? Bu sualın cavabını 90 dəqiqənin tamamında biləcəyik
Qeyd edək ki, oyunun start fiti saat 17:00-da səslənəcək.
Misli Premyer Liqası
I dövrə, III tur
17:00. "Karvan-Yevlax" - "Qarabağ"
Hakimlər: Rəvan Həmzəzadə, Cəmil Quliyev, Gülnurə Əkbərzadə, Kamran Əliyev
VAR: Rəşad Əhmədov
AVAR: Teymur Teymurov
Hakim-inspektor: Şahin Cəfərov
AFFA nümayəndəsi: Bəhram Qurbanov
Şamaxı. Şəhər stadionu.
