Sport24.az
Misli Premyer Liqasının 3-cü oyun həftəsinə Masazırda yekun vurulacaq. Sport24.az xəbər verir ki, "Sabah" "doğma divarlar" arasında "İmişli"ni qonaq edir.
İlk turda meydana çıxmayan "bayquşlar" ötən həftə aktivinə 3 xal yazdırmağı bacarıb. Heç şübhəsiz ki, Valdas Dambruskasın yetirmələri mövsümün ilk ev oyununda da qələbəyə köklənib. Bölgə təmsilçisinin isə iki turdan sonra aktivində bir heç-heçə var. Ötən tur "Neftçi"dən xal almaqla kiçik sürprizə imza atan "pələnglər" Masazırdan da xal və ya xallarla dönəcəyi halda tənqidçiləri susdura bilər.
Qeyd edək ki, turun digər matçlarında "Sumqayıt" "Şamaxı" ilə bərabərə (1:1) qalıb. "Neftçi" "Turan Tovuz"a (0:1) məğlub olub. "Araz-Naxçıvan" öz meydanında "Qəbələ"ni (2:1), "Zirə" isə "Kəpəz"i (5:0) məyus edib.
Misli Premyer Liqası
I dövrə, III tur
19:30. "Sabah" - "İmişli"
Hakimlər: Fərid Hacıyev, Rəhman İmami, Kərim Zeynalov, Vüqar Həsənli
VAR: İnqilab Məmmədov
AVAR: Şirmamed Mamedov
Hakim-inspektor: Babək Quliyev
AFFA nümayəndəsi: Emin Cəfərov
Masazır. "Bank Respublika Arena".
