Sport24.az
"Sumqayıt" 2 legionerlə yolları ayırmağı düşünür. Sport24.az-ın əldə etdiyi məlumata görə, "kimyaçılar" hücumçu Erik Sorqa və müdafiəçi Abu Dosso ilə vidalaşmaq istəyir.
Hər futbolçunun klubla müqaviləsi var. Daha dəqiq desək, ötən yay rəhbərlik onlarla "1+1" şərti ilə anlaşma imzalayıb. Lakin legionerlərin geridə qalan mövsüm sərgilədiyi oyun məşqçilər korpusunu qane etmədiyindən rəsmilər futbolçuları yola salmağa qərar verib.
Qeyd edək ki, estoniyalı və Fil Dişi Sahilindən olan legionerlərdən əvvəl Oktavio Montekanın növbəti mövsümdə "Sumqayıt"da olmayacağı dəqiqləşmişdi.
