Sport24.az
Misli Premyer Liqasının 19-cu turunun ilk oyun gününə Sumqayıtda yekun vurulacaq. Sport24.az xəbər verir ki, şəhərin eyniadlı komandası öz meydanında "Zirə"ni qəbul edir.
Turnir cədvəlində qonşu olan komandaların oyunu maraqla gözlənilir. "Kimyaçılar" 18 turdan sonra 30 xalla 4-cü pillədədirsə, "qartallar" 1 xal geri qalmaqla 5-cidir. Hər iki kollektiv avrokuboklara vəsiqə uğrunda mübarizə aparır və bu üzdən istər meydan sahiblərinin, istərsə də qonaqların əsas istəyi bu gün meydandan qələbə ilə ayrılmaq olacaq.
Qeyd edək ki, hesabat həftəsinin digər görüşləri sabah və çərşənbə axşamı baş tutacaq.
Misli Premyer Liqası
II dövrə, XIX tur
18:30. "Sumqayıt" - "Zirə"
Hakimlər: İnqilab Məmmədov, Rahil Ramazanov, Teymur Teymurov, Alik Yunusov
VAR: Rauf Cabarov
AVAR: Kamran Əliyev
Hakim-inspektor: Əmrah İbrahimov
AFFA nümayəndəsi: Anar Şıxəliyev
Sumqayıt. Mehdi Hüseynzadə adına şəhər stadionu.
