Idman.biz
Praqanın "Slaviya" futbol klubu UEFA Çempionlar Liqasında "Pafos" qarşısında ağır məğlubiyyətə görə üzr istəyib və oyun üçün Kiprə səyahət edən azarkeşlərin bilet pullarını geri qaytaracağına söz verib.
İdman.Biz-in məlumatına görə, bəyanat Çexiya komandasının saytında dərc edilib.
Oyun 28 yanvarda Kolossi şəhərindəki "Alfameqa" stadionunda baş tutub və qonaqların 4-1 hesablı məğlubiyyəti ilə başa çatıb. Hər iki klub turnirin pley-off mərhələsinə yüksələ bilməyib. "Slaviya" isə ümumilikdə əsas mərhələdəki səkkiz oyunun heç birində qalib gəlməyib.
"Slaviya", xüsusən də Çempionlar Liqasında belə çıxış edə bilməz. Bizi dəstəkləmək üçün Kiprə uçan bütün azarkeşlərə biletlərin dəyərini geri qaytaracağıq" - klub bildirib.
"Slaviya" üçün Kiprdəki matç artıq turnirdə əhəmiyyətli deyildi. "Pafos"un sona qədər pley-offa çıxmaq şansı var idi, lakin əlavə meyarlara görə vəsiqəsini Portuqaliya təmsilçisi "Benfika"ya uduzdu.
