Report.az
Səudiyyə Ərəbistanı çempionatının XV turunun oyununda lider "Əl-Hilal" doğma meydanda autsayder "Əl-Fateh"i 9:0 hesabı ilə məğlub edib.
"Report" xəbər verir ki, Ər-Riyad stadionda keçirilən görüşdə Markos Leonardo het-trik edib.
Kalidu Kulibali, Renan Lodi, Sergey Milinkoviç-Saviç, Abdullah Al-Hamdan və Malkom isə hərəyə bir dəfə fərqləniblər. Digər qolu isə "Əl-Fateh"in heyətində Faysal Abdulvahed öz qapısından keçirib.
Qeyd edək ki, Səudiyyə Ərəbistanı Pro Liqasında "Əl-Hilal" 40 xalla turnir cədvəlinə başçılıq edir. "Əl-Fateh" isə 6 xalla sonuncudur.
