Sport24.az
Serxio Ramos "Sevilya"ya qayıtmaq üçün görünməmiş bir addım atmağa hazır olub. Sport24.az "Marca"ya istinadən xəbər verir ki, 39 yaşlı müdafiəçi doğma klubunun La Liqadakı yerini qoruyub saxlaması üçün mövsümün sonuna qədər pulsuz oynamağa razı olub.
Mənbənin sözlərinə görə, bu, fikir Andalusiya klubunun idman direktorunun mətbuat konfransında yeni transferlər etmək üçün maddi imkanlarının olmadığını etiraf etməsindən sonra ortaya çıxıb. Bundan sonra oyunçunun qardaşı və agenti Rene Ramos klub prezidenti Xose Mariya del Nido ilə əlaqə saxlayıb.
Oyunçunun ətrafı Ramosun pulsuz oynamağa hazır olduğunu qarşı tərəfin diqqətinə çatdırıb. Lakin rəhbərlik səviyyəsində buna razılıq verilməyib. "Sevilya"nın prezidenti imtinasını klubdakı gələcəyi ilə bağlı narahatlığı ilə izah edib:
"Səni transfer edə bilmərəm, çünki üç aydan sonra "Sevilya"nın sahibi ola və məni işdən çıxara bilərsən".
Qeyd edək ki, danışıqlar uğursuzluğa düçar olduqdan sonra Ramos karyerasını "Marsel"də davam etdirmək variantını nəzərdən keçirir.
