Sport24.az
"Təlim-məşq toplanışı yaxşı keçir, əhval-ruhiyyə də yaxşıdır". Bu sözləri Sport24.az-a "Sabah"ın futbolçusu Coy-Lens Mikels deyib.
31 yaşlı hücumçu Avstriyada Rumıniya təmsilçisi "Rapid"lə heç-heçə etdikləri (2:2) yoxlama oyunu haqqında danışıb:
"İlk yoxlama matçımız idi. Bu cür görüşlər vacib matçlar ərəfində çox vacibir. Fikrimcə, yaxşı oynadıq. Əsas vacib olan komandanın öz çatışmazlıqlarını görməsidir. Məşqlərdə və oyunda hər kəs baş məşqçinin verdiyi tapşırıqları meydanda yerinə yetirməyə çalışır. Bunu edə bilsək, yaxşı nəticələr qazanacağıq".
Almaniyalı forvard Avropa Liqasının I təsnifat mərhələsində üz-üzə gələcəkləri Sloveniyanın "Sele" komandası haqqında da danışıb:
"Sele" ötən mövsümdə Avropada yaxşı çıxış etdi. Bu komanda Konfrans Liqasında 1/4 finala kimi irəliləməyə bacardı. Qarşıdakı oyunlara çox ciddi hazırlaşmalıyıq. Bizi çətin oyunlar gözləyir. Ümid edirəm ki, meydanı qalib kimi tərk edən biz olacağıq".
Qeyd edək ki, "Sabah" və "Sele" arasında ilk oyun iyulun 10-da cavab görüşü iyulun 17-də olacaq.
