Sport24.az
İngiltərə Premyer Liqası məşqçiləri arasında Xosep Qvardiolanın bu mövsümün sonunda "Mançester Siti"dən ayrılacağına inam artmaqdadır. Sport24.az xəbər verir ki, bu barədə "The Times" qəzeti məlumat yayıb.
Mənbənin sözlərinə görə, İngiltərə Premyer Liqasının aparıcı klublarından birinin baş məşqçisi ötən həftə rəhbərliyə ispaniyalı mütəxəssisin cari mövsümün sonunda klubdan ayrılacağına əmin olduğunu bildirib.
Qeyd edək ki, Qvardiola 2016-cı ilin yayından bəri "Mançester Siti"nin məşqçisidir. Onun rəhbərliyi altında komanda altı dəfə İngiltərə Premyer Liqasını, iki dəfə FA Kubokunu və dörd dəfə Liqa Kubokunu qazanıb. 2023-cü ildə klub Çempionlar Liqasının qalibi olub.
