Sport24.az
Joze Mourinyonun "Fənərbaxça"nı çalışdıracağı dəqiqləşib. Sport24.az xəbər verir ki, bu barədə Superliqa təmsilçisinin mətbuat xidməti məlumat yayıb. 61 yaşlı mütəxəssis bu gün İstanbula gələcək.
Klub Bakı vaxtı ilə saat 20:00-da Şükrü Saracoğlu adına stadionda Mourinyo üçün təqdimat mərasimi keçirəcək. "Fənərbaxça" sosial şəbəkə hesablarında azarkeşlərini mərasimə dəvət edib.
Qeyd edək ki, Mourinyonun son klubu "Roma" olub. 2021/2022 mövsümündə "Roma" Konfrans Liqasının qalibi olub, 2022/2023 mövsümündə isə Avropa Liqasının finalına yüksəlib. Portuqaliyalı məşqçi karyerası ərzində "Benfika", "Portu", "İnter", "Çelsi", "Real", "Mançester Yunayted" və "Tottenhem" kimi komandaları çalışdırıb.
