Sport24.az
"Qarabağ"ın Avstriyadakı təlim-məşq toplanışındakı yoxlama oyunlarının vaxtı və rəqibləri müəyyənləşib. Sport24.az xəbər verir ki, ağdamlılar Zell-Am-Seenin Kaprun bölgəsində 4 sınaq matçına çıxacaq.
İyulun 7-nə təyin olunan ilk matçda Qurban Qurbanovun yetirmələri Xarkov "Metallist"i ilə üz-üzə gələcək. Qarşılaşma Bakı vaxtı ilə 19:30-da başlayacaq.
İyulun 11-də "köhlən atlar" "Tvente" ilə iki görüşə çıxacaq. Niderland təmsilçisi ilə oyunlar Bakı vaxtı ilə 17:00 və 19:15-də start götürəcək.
İyulun 15-də baş tutacaq toplanışın son matçı "Zalsburq"a qarşı olacaq. Görüşün start fiti Bakı vaxtı ilə 20:00-da səslənəcək. Qarşılaşmaların dördü də Kaprun stadionunda baş tutacaq.
Qeyd edək ki, hazırlığa iyunun 18-də Bakıda start verən ağdamlılar iyulun 2-dən 16-dək Avstriyada təlim-məşq toplanışı keçirəcək. "Qarabağ" Zell-Am-Seenin Kaprun bölgəsində yerləşən "Tauern" otelində məskunlaşacaq.
