Idman.biz
"Qarabağ" Belçikanın "Lyej" komandasının futbolçusu Umar Diufla maraqlanır.
İdman.Biz Belçika mediasına istinadən xəbər verir ki, Azərbaycan təmsilçisi qarşı tərəfə 1,2 milyon avro təzminat təklif edib.
Lakin təklif qəbul olunmayıb. "Lyej" seneqallı forvard üçün 1,5 milyon avro tələb edir.
22 yaşlı forvard Belçikanın "Gent", "Brügge" klublarının, eləcə də Kiprin "Pafos" komandasının və adı açıqlanmayan İngiltərə Çempionşip təmsilçisinin də diqqət mərkəzindədir.
Qeyd edək ki, Umar Diuf bu mövsüm Belçikanın II Divizionunda 18 oyunda meydana çıxıb və 8 qol vurub. Onun "Lyej" klubu ilə 2026/2027-ci illər mövsümünün sonunadək müqaviləsi var.
