Sport24.az
Misli Premyer Liqasının 18-ci turuna paytaxtda yekun vurulacaq. Sport24.az xəbər verir ki, "Qarabağ" Tofiq Bəhramov adına Respublika Stadionunda "Turan Tovuz"u qəbul edir.
Bu oyun ərəfəsində aktivində 36 xal olan ağdamlılar turnir cədvəlinin ikinci pilləsində qərarlaşıb."Sabah"ın dünənki qələbəsindən sonra Qurban Qurbanovun komandası artıq liderdən 7 xal geri qalır. Çempionluq yarışında əsas rəqibindən çox da uzaq düşməmək üçün "Qarabağ"ın meydana qələbə üçün çıxacağı heç kimdə şübhə doğurmur. Qonaqlrın isə əsas istəyi Bakı səfərindən ən azı 1 xalla geri dönməkdir. Belə olacağı halda "boz qurdlar" turnir cədvəlində "Sumqayıt"ı 1 xal ötərək 3-cü yerdə tək yer alacaq.
Qeyd edək ki, XIX turun oyunlarına fevralın 8-də start veriləcək.
Misli Premyer Liqası
II dövrə, XVII tur
18:30. "Qarabağ" - "Turan Tovuz"
Hakimlər: Elçin Məsiyev, Elşad Abdullayev, Pərvin Talıbov, Elvin Bayramov
VAR: Rəşad Əhmədov
AVAR: Akif Əmirəli
Hakim-inspektor: Anar Salmanov
AFFA nümayəndəsi: Elçin Mehtiyev
Bakı. Tofiq Bəhramov adına Respublika Stadionu
