Sport24.az
"Oyuna pis başlamadıq. İlk 30 dəqiqədə yaxşı mübarizə apardıq. Bunun nəticəsi olaraq hesabı açan tərəf də biz olduq. Təəssüf ki, fasiləyə qədər üstünlüyümüzü qoruya bilmdik və qapımızda 2 qol gördük. Bu da qarşılaşmanın axarına təsirini göstərdi. 2-ci yarıda rəqib daha 3 qol vurmaqla böyükhesablı qələbə qazandı. Çox məyusuq". Bu sözləri Sport24.az-a açıqlamasında "Kəpəz"in qapıçısı Kamran İbrahimov deyib.
Uzun müddətdi əsas heyətdən kənarda qalan qolkiper öz çıxışına da dəyərləndirib: "Xeyli vaxt idi şans qazanmırdım. Baş məşqçimizə bu oyunda mənə güvəndiyinə görə təşəkkür edirəm. Meydanda əlimdən gəldiyinin ən yaxşısı etməyə çalışdım. Amma nəticədə 5 qol buraxdıq. Başda özüm olmaqla, müdafiə xətti də zəif təsir bağışladı. Təbii ki, 7 futbolçumuzun cəza, zədə səbəbində bizdən ayrı düşməsi də təsirsiz ötüşmədi. Amma ruhdan düşməməli, qarşıdan gələn 2 oyuna ciddi hazırlaşıb, maksimum nəticə qazanmalıyıq".
Qeyd edək ki, XXXIV turdan sonra aktivində 24 xal olan "Kəpəz" 8-ci pilədə qərar tutub
Polad Azər
