Super Liqanın 12-ci turunda "Qalatasaray"- "Samsunspor" matçının son fiti səsləndikdən sonra baş verənlər gündəm olub.
Sportinfo.az xəbər verir ki, matç başa çatdıqdan sonra hakim Ali Şansalanla əl sıxmayan "Qalatasaray"ın baş məşqçisi Okan Buruk ikinci sarı vərəqin ardından qırmızı kartla meydandan kənarlaşdırılıb.
Bu qırmızı vərəqə ilə təcrübəli mütəxəssis, Super Liqanın 13-cü turunda "Qalatasaray"ın "Beşiktaş"a qarşı keçirəcəyi derbi matçında komandasına kənardan rəhbərlik edə bilməyəcək.
"Qalatasaray" öz meydanında "Samsunspor"u 2-1 hesabı ilə məğlub edib.