Report.az
Qabriele Qravina İtaliya Futbol Federasiyasının prezidenti vəzifəsindən istefa verib.
"Report" xəbər verir ki, bu barədə məşhur insayder Fabritsio Romano sosial media səhifəsində məlumat yayıb.
Martın 31-də İtaliya millisi dünya çempionatının final mərhələsinə vəsiqə qazanmaq üçün pley-off oyununda Bosniya və Herseqovinaya məğlub olub (1:1, penaltilərdə 1:4). İtaliya yığmasının ardıcıl 3 mundialda işitak edə bilməməsi səbəbindən federasiya rəhbəri vəzifəsindən gedib.
Xatırladaq ki, 72 yaşlı Qravina 2018-ci ildən İtaliya Futbol Federasiyasının prezidenti vəzifəsində çalışırdı.
