"Nyukasl" ardıcıl beşinci oyunda qələbə qazana bilmədi, "Brentford" qalib gəldi

İngiltərə Premyer Liqasının 25-ci turu başa çatıb.

İdman.Biz bildirir ki, turun son grüşündə "Nyukasl Yunayted" və "Brentford" qarşılaşıblar.

"Brenford" 3:2 hesabı ilə qalib gəlib. Oyun "St. James' Park"da (Nyukasl-apon-Tayn) keçirilib.

Sven Botman 24-cü dəqiqədə ev sahibi komandanı irəli çıxarıb. Vitali Yanelt 37-ci dəqiqədə hesabı bərabərləşdirib. İqor Tiaqo 45+2-ci dəqiqədə penaltidən qol vuraraq qonaqları iraəli çıxarıb. Bruno Gimaraes 79-cu dəqiqədə penaltidən hesabı bərabərləşdirib. Danqo Uattara 85-ci dəqiqədə qələbə qolunu vurub.

Beləliklə, "Nyukasl" ardıcıl beşinci oyunda qələbə qazana bilməyib.

Bu oyundan sonra "Nyukasl Yunayted" İngiltərə Premyer Liqasının turnir cədvəlində 33 xalla 12-ci, "Brentford" isə 39 xalla yeddinci yerdədir.

21:12

İngiltərə Premyer Liqasının 25-ci turunda "Arsenal" "Sanderlend"i qəbul edib.

Londondakı "Emirates" stadionunda keçirilən oyunda "topçular" 3:0 hesabı ilə qalib gəliblər.

Martin Subimendi 42-ci dəqiqədə londonluları hesabda irəli çıxarıb, Viktor Gyökeres 66-cı dəqiqədə komandasının üstünlüyünü ikiqat artırıb və 90+3-cü dəqiqədə ikinci qolu vurub.

Bu oyundan sonra "Arsenal" 56 xalla İngiltərə Premyer Liqasının turnir cədvəlinə başçılıq edir, "Sanderlend" isə 36 xalla doqquzuncu yerdədir.

Turun digər oyununda "Çelsi" səfərdə "Vulverhempton"dan üstün olub – 3:1.

"Bornmut"la "Aston Villa"nın oyunu isə 1:1 hesablı heç-heçə ilə bitib.

"Börnli" öz meydanında "Vest Hem"ə uduzub – 0:2.

"Fulhem" də "Everton"la matçda doğma meydança amilindən yararlana bilməyib – 1:2.

18:40

İngiltərə Premyer Liqasının 25-ci turunun "Mançester Yunayted" və "Tottenhem" komandaları arasında keçirilən oyun başa çatıb.

"Mançester Yunayted" oyunu 2:0 hesabı ilə qazanıb. Oyun Mançesterdəki "Old Trafford"da baş tutub.
38-ci dəqiqədə "Mançester Yunayted"in hücumçusu Brayan Mbemo hesabı açıb. 81-ci dəqiqədə Bruno Fernandes "Mançester Yunayted"in üstünlüyünü ikiqat artırdı.

Bu oyundan sonra "Mançester Yunayted" 44 xalla Premyer Liqanın turnir cədvəlində dördüncü yerdədir. "Tottenhem Hotspur" 29 xalla turnir cədvəlində 14-cü yerdədir.