Sport24.az
"Şaxtyor"un müdafiəçisi Vinisius Tobias "Napoli"nin diqqətini çəkib. Sport24.az xəbər verir ki, bu barədə "Tutto Mercato" məlumat yayıb.
Mənbənin sözlərinə əsasən, Neapol təmsilçisi bir neçə mövqedə oynaya bilən və artıq Avropada çıxış etmək təcrübəsinə malik olan 22 yaşlı futbolçunu heyətinə qatmaqda maraqlıdır.
Vinisius Tobias cari mövsümdə 12 oyunda meydana çıxıb və iki qol vurub. Onun "Şaxtyor"la müqaviləsi 2029-cu ilin yayına qədər qüvvədədir.
Qeyd edək ki, "Napoli" hazırda 11 xalla A Seriyasında 10-cu pillədə qərarlaşıb.
