Idman.biz
ABŞ milli komandasının keçmiş yarımmüdafiəçisi Maykl Bredli MLS-in "Nyu-York Red Bulls" komandasına baş məşqçi təyin edilib.
İdman.Biz bildirir ki, bu barədə liqanın rəsmi saytında məlumat verilib. O, əvvəllər "Bulls"un gənclər komandasında çalışıb.
"Futbolçu karyerama başladığım klubun baş məşqçisi olmaq, doğma ştatımda işləmək fürsətindən çox məmnunam. Azarkeşlərin layiq olduğu uğura nail olmaq üçün bu klubla işləməyi səbirsizliklə gözləyirəm", - Bredli MLS-in rəsmi saytında bildirib.
Keçən mövsüm MLS-in müntəzəm mövsümündən sonra "Nyu-York Red Bulls" Şərq Konfransının turnir cədvəlində 10-cu yeri tutub və pley-offa vəsiqə qazana bilməyib.
