Idman.biz
"Qarabağ"ın futbolçusu Marko Yankoviç İnstaqram hesabında yeni paylaşım edib.
İdman.Biz-in məlumatına görə, 30 yaşlı yarımmüdafiəçi 2025-ci illə bağlı fikirlərini bölüşüb:
"Çətinliklər, inkişaf və həm meydanda, həm də meydandan kənarda qazanılan bir çox uğurlarla dolu bir il oldu. Bu prosesdə görülən işlərə, yanımda olan insanlara, aldığım dərslərə və keçdiyim yola görə minnətdaram. Qarşıda məni nələrin gözlədiyini görmək üçün səbirsizlənirəm".
Marko Yankoviç 2022-ci ilin yayından Ağdam təmsilçisinin formasını geyinir. O, cari mövsüm "Qarabağ"ın heyətində 20 oyuna çıxıb, 4 qol vurub və 2 məhsuldar ötürmə verib.
Qeyd edək ki, Marko Yankoviçə bir sıra transfer təklifləri gəldiyi iddia olunur.
