İngiltərənin “Manchester United” komandası 16‑yaşlı hücumçu Cey‑Cey Qabrielin klubdan ayrılması ilə bağlı FIFA‑ya şikayət etməyi nəzərdən keçirir.
“Report” xəbər verir ki, bu barədə “The Times” nəşri məlumat yaymışdır.
Premyer Liqa təmsilçisi ötən yay digər komandaların nümayəndələrinin onun icazəsi olmadan futbolçunun ətrafı ilə əlaqə saxladığından şübhələnir. Qayda pozuntusunu təsdiqləyən sübutlar əldə olunarsa, məsələ FIFA‑ya təqdim ediləcək.
Qeyd edək ki, Qabriel ötən gün sosial şəbəkədə vida videosu paylaşaraq “Manchester United”dən ayrıldığını açıqlayıb. Onun 2027-ci ilin yanvarında “Real”a keçəcəyi gözlənilir. Tərəflərin artıq şifahi razılıq əldə etdiyi bildirilib.
16‑yaşlı futbolçu 2020-ci ildən “qırmızı şeytanlar”ın akademiyasında çıxış edib.