Sport24.az
"Mançester Yunayted" London klubundan ayrılmağa hazır olan "Arsenal"ın müdafiəçisi Maylz Luis-Skellini izləyir. Sport24.az xəbər verir ki, bu barədə "TEAMtalk" məlumat yayıb.
Mənbənin sözlərinə görə, "topçular" 19 yaşlı yetirməsini satmağa hazırdır. "Qırmızı şeytanlar"dan əlavə, "Everton" və "Brentford" da Luis-Skelli ilə maraqlanır.
Qeyd edək ki, Luis-Skelli bu mövsüm bütün turnirlərdə 27 oyunda meydana çıxıb və 4 məhsuldar ötürmə edib. Onun klubla hazırkı müqaviləsi 2030-cu ilin yayına qədərdir. Transfermarkt portalındakı məlumata görə, onun bazar dəyəri 35 milyon avrodur.
