Sport24.az
"Kayzerslautern" klubunda çıxış edən Azərbaycan millisinin futbolçusu Mahir Emreli hələ də yaşıl meydanlara qayıda bilmir. Sport24.az xəbər verir ki, 28 yaşlı hücumçu II Bundesliqanın 21-ci turunda "Darmstadt"la oyunda da meydana çıxmayacaq.
Qarşılaşma bu gün saat 23:30-da başlayacaq.
Mövsümün əvvəlində də heyətə düşməkdə çətinlik çəkən forvardın zədəsinin bu qədər uzun sürməsi şübhə doğurur. Çünki Emreli artıq yanvarın əvvəlində fərdi məşqlərə başlamışdı.
Qeyd edək ki, Azərbaycanlı futbolçu ötən ilin noyabrında "Herta" ilə keçirilən oyunda zədələnib. O, mövsümün ilk yarısında II Bundesliqada cəmi 4 matçda meydanda olub. Forvardın adı həmçinin bir neçə qarşılaşmanın iştirak ərizəsinə salınmayıb. Forvard yanvarın əvvəlində fərdi məşqlərə qayıdıb.
