Idman.biz
İngiltərənin "Liverpul" klubu Məhəmməd Salahın gələcəyi ilə bağlı qeyri-müəyyənlik fonunda mümkün əvəzləyici variantları dəyərləndirir. Siyahıda yer alan əsas adlardan biri Fransanın PSJ klubunda çıxış edən Bredli Barkolyadır.
İdman.Biz xəbər verir ki, mersisayd təmsilçisi Salahın ayrılması ehtimalını nəzərə alaraq gənc fransız cinah hücumçusunu potensial transfer hədəfi kimi izləyir. Barkolya sürəti, driblinqi və genişlik yaradan oyunu ilə "Liverpul"un hücum fəlsəfəsinə uyğun profil hesab olunur.
Qeyd edək ki, Salahın Səudiyyə Ərəbistanından aldığı yüksək təkliflər və klubdaxili vəziyyət transfer ssenarilərini aktuallaşdırır. "Liverpul" rəhbərliyinin yay planlamasında Barkolyanın adı ciddi şəkildə müzakirə oluna bilər.
