Lent.az
"Qalatasaray" "Liverpul" oyununda qolunu sındıran Viktor Osimhenin əməliyyat olunduğunu açıqlayıb.
Lent.az-ın Türkiyə mediasına istinadən xəbərinə görə, Osimhenin təxminən 5-6 həftə yaşıl meydanlardan kənarda qalacağı, qayıdış tarixinin isə sağalma prosesinə əsasən müəyyən ediləcəyi gözlənilir.
Klubun açıqlamasında deyilir: "Oyunçumuz Viktor Osimhen qol sınığı səbəbindən əməliyyat olunub. Əməliyyatdan sonra əlavə məlumat rəsmi kanallarımız vasitəsilə veriləcək".
Osimhen, vətəni Nigeriyada zədə aldığı anı belə təsvir edib: "Top gəlirdi, müdafiəçi ilə getdim, əlim boş idi, dizini üstümə qoyduğunu bilmirdim. Əlim boş idi, dizi qoluma dəydi. Əvvəlcə onun qırıldığını anlamadım. Düşünürdüm ki, oyun bitməmiş keçib gedəcək. Qaçmağa çalışanda o şey məni ağırlaşdırdı. Qolumun düşdüyünü hiss etdim. Qaçmağa çalışdım, amma alınmadı".
26 yaşlı hücumçu bu mövsüm "Qalatasaray"ın heyətində 26 oyunda 19 qol vurub və 7 məhsuldar ötürmə edib.
