Sport24.az
"İnter Mayami"nin və Argentina millisinin hücumçusu Lionel Messi aldığı zədədən sonra sosial şəbəkə hesabında açıqlama yayıb. Sport24.az xəbər verir ki, ulduz futbolçu Argentina millisinin DÇ-2026-nın seçmə mərhələsinin oyunları üçün yekun heyətinə daxil edilməsə də, ürəyinin komanda ilə birgə döyündüyünü vurğyulayıb.:
"Təəssüf ki, Uruqvay və Braziliya ilə vacib oyunları buraxmalı olacağam. Çox istərdim ki, oynayım. Amma kiçik zədəyə görə milliyə gedə bilməyəcəm. Hər bir argentinalı azarkeş kimi komandanı kənardan dəstəkləyəcəm. İrəli Argentina!"
Qeyd edək ki, 37 yaşlı Messi 2023-cü ilin yayında "İnter Mayami" ilə anlaşıb. Futbolçunun klubla hazırkı müqaviləsi 2025-ci ilin sonuna qədərdir.
