Sport24.az
2024/2025 mövsümündə Misli Premyer Liqasında yerli və əcnəbi futbolçulara daha çox forma şansı verən klublar müəyyənləşib. Sport24.az "Transfermarkt" portalına istinadən xəbər verir ki, araşdırma 10 klubun 283 oyunçusu arasında aparılıb.
Ümumilikdə Premyer Liqada əcnəbilər (54,9 faiz) daha çox meydana çıxır. Yerli futbolçular faiz nisbətində geri qalırlar - 45,1 faiz.
Çempionatda ən çox yerli oyunçudan "Sumqayıt" istifadə edir. "Gənclik şəhəri" təmsilçisində bu, 61,1 faizə bərabərdir. "Səbail" (55 faiz) ikinci, "Neftçi" (47,5 faiz) üçüncü pillədə qərarlaşıb.
Növbəti sıralarda "Kəpəz" (44 faiz), "Şamaxı" (43,9 faiz), "Qarabağ" (42,4 faiz), "Zirə" (40,6 faiz), "Sabah" (40,1 faiz), "Turan Tovuz" (39,3 faiz), "Araz-Naxçıvan" (36,9 faiz) yer alıblar.
