Idman.biz
"Barselona"nın vingeri Lamin Yamal İspaniya çempionatında "Elçe"yə qarşı 3:1 hesablı qələbədə komandasının uğuruna ciddi töhfə verib. 18 yaşlı futbolçu La Liqanın şənbə günü keçirilən oyununda artıq altıncı dəqiqədə fərqlənərək hesabı açıb.
İdman.Biz "Barca Universal"a istinadən xəbər verir ki, Yamalın La Liqada "Barselona"nın heyətində vurduğu qolların sayı 23-ə çatıb. Bu göstərici ilə o, İspaniya çempionatında katalon klubunun heyətində hərəyə 22 qol vuran Dieqo Maradona və Antuan Qrizmannı geridə qoyub.
2023-cü ilin yazında debüt etdiyi vaxtdan Yamal La Liqada "Barselona" forması ilə 91 oyuna çıxıb, aktivinə 31 məhsuldar ötürmə də yazdırıb. "Elçe" üzərində qələbədən sonra katalonlar 55 xalla turnir cədvəlinə liderlik edir, bir oyunu az olan Madrid "Real"ını dörd xal qabaqlayırlar.
