Idman.biz
İspaniya La Liqasının 23-cü turunun "Real Sosyedad" - "Elçe" oyunu başa çatıb.
Komandalar "Real Arena"da (San Sebastian) oynayıblar. Meydan sahibləri 3:1 hesablı qələbə qazanıblar.
"Real Sosyedad"ın yarımmüdafiəçisi Luka Suçiç matçın ilk qolunu 24-cü dəqiqədə vurub. 38-ci dəqiqədə hücumçu Mikel Oyarzabal ev sahibi komandanın üstünlüyünü ikiqat artırıb. Dörd dəqiqə sonra "Elçe"nin hücumçusu Andre Silva fərqi azaldıb. 90-cı dəqiqədə Orri Óskarsson "Elçe"nin qapısına üçüncü qolu vuraraq hesabı 3:1 edib.
23 La Liqa oyunundan sonra "Real Sosyedad"ın 31 xalı var və turnir cədvəlində səkkizinci yerdədir. "Elçe"nin 24 xalı var və 14-cü yerdə qərarlaşıb.
21:19
İspaniya La Liqasının 23-cü turunun "Barselona" və "Malyorka" komandaları arasında keçirilən oyun başa çatıb.
İdman.Biz-in məlumatına görə, komandalar İspaniyanın Barselona şəhərindəki "Spotify Camp Nou" stadionunda oynayıblar. Meydan sahibləri 3:0 hesablı qələbə qazanıblar.
"Barselona"nın hücumçusu Robert Levandovski matçın ilk qolunu 29-cu dəqiqədə vurub. 61-ci dəqiqədə "Barselona"nın hücumçusu Lamin Yamal komandasının üstünlüyünü ikiqat artırıb. 83-cü dəqiqədə yarımmüdafiəçi Mark Bernal "Malyorka"nın qapısına üçüncü qolu vuraraq hesabı 3:0 edib.
23 La Liqa oyunundan sonra "Barselona" 58 xalla turnir cədvəlinə başçılıq edir. "Malyorka" 24 xalla 13-cü yerdədir.
