Report.az
Səudiyyə Ərəbistanının "Əl-Nəsr" kollektivində çıxış edən portuqaliyalı ulduz futbolçu Kriştianu Ronaldu kumirlərinin adını açıqlayıb.
"Report" "Give me Sport"a istinadən xəbər verir ki, 40 yaşlı hücumçu Braziliya millisinin sabiq üzvləri Ronaldo və Ronaldinyonu böyük futbolçular adlandırıb.
"Ronaldo və Ronaldinyo futbolda tarix yazıblar. Baxmayaraq ki, onlardan daha çox fərdi titul qazanmışam. Lakin onların hər ikisi dünya çempionlarıdır. Mən onların oyunlarına baxaraq böyümüşəm və deyərdim ki, hər ikisi kumirimdir. Hansının daha yaxşı olmasının əhəmiyyəti yoxdur. Əsas odur ki, Ronaldo və Ronaldinyo futbol tarixinə öz töhfələrini veriblər", - deyə Ronaldu bildirib.
Qeyd edək ki, Ronaldu karyerası ərzində 925 qol vurub.
