Sport24.az
Kevin De Bruyne ötən il müqavilə bağladığı "Napoli"dən ayrıla bilər. Sport24.az xəbər verir ki, bu barədə "L'Équipe" qəzeti məlumat yayıb.
35 yaşlı belçikalı futbolçu ilə Türkiyə və Səudiyyə Ərəbistan klubları maraqlanır. əsas namizədlər arasında "Qalatasaray"ın adı çəkilir.
De Bruynenin "Napoli"dəki karyerasından məyus olduğu bildirilir, bunun əsas səbəbi ciddi zədəsi və komandanın oyun tərzidir.
Onun "Napoli" ilə müqaviləsi 2027-ci ilin iyun ayına qədərdir, baxmayaraq ki, klubun sözləşməni daha bir mövsüm uzatmaq imkanı var.
Qeyd edək ki, De Bruyne 2025-ci ilin yayında "Mançester Siti"dən ayrılaraq "Napoli"yə azad agent kimi qoşulub. O, ötən mövsüm 21 oyunda iştirak edib, 5 qol vurub və 4 məhsuldar ötürmə edib.
