İngiltərə Premyer Liqası: "Arsenal" "Everton"u minimal hesabla məğlub etdi, digər oyunların nəticələri

İngiltərə Premyer Liqasının 17-ci turunda səfərdə "Arsenal" "Everton"u 1:0 hesabı ilə məğlub edib.

İdman.Biz bildirir ki, yeganə qolu 27-ci dəqiqədə isveçli hücumçu Viktor Dyökereş vurub.

"Arsenal" bütün yarışlarda ardıcıl üçüncü qələbəsini qazanıb. Onlar Premyer Liqa turnir cədvəlində birinci yerə yüksəliblər (17 oyundan sonra 39 xal). 24 xal toplayan "Everton" doqquzuncu yerdədir.

Turun digər matçında "Lids" evdə "Kristal Palas"ı 4:1 hesabı ilə məğlub edib.

Meydan sahiblərindən Dominik Kalvert-Levin iki qol vurub, İtan Ampadu və Anton Stax isə hərəyə bir qol vurublar. Qonaqlardan Castin Devenni fərqlənib. "Lids" Premyer Liqa turnir cədvəlində 16-cı yerdədir (17 oyundan sonra 19 xal), "Kristal Palas" isə səkkizincidir (26 xal).

23:33

İngiltərə Premyer Liqasında 17-ci turun "Tottenhem Hotspur" və "Liverpul" arasında keçirilən oyunu başa çatıb.

İdman.Biz xəbər verir ki, mersisaydlılar 2:1 hesabı ilə qələbə qazanıblar.

Oyun Londondakı "Tottenhem Hotspur" stadionunda baş tutub.

57-ci dəqiqədə Aleksandr İsak hesabı açaraq mersisaydlılara üstünlük qazandırıb. 66-cı dəqiqədə Uqo Ekitike hesab arasındakı fərqi ikiqat artırıb. 83-cü dəqiqədə Rişarlison hesab arasındakı fərqi azaldıb.

22:02

İngiltərə Premyer Liqasının 17-ci turunun "Mançester Siti" və "Vest Hem Yunayted" arasında keçirilən oyunu başa çatıb.

İdman.Biz bildirir ki, oyun Mançesterdəki "Etihad" stadionunda baş tutub.

Meydan sahibləri 3:0 hesabı ilə qalib gəlib.

Erlinq Holand altıncı dəqiqədə hesabı açıb. Yarımmüdafiəçi Teyani Reynders 39-cu dəqiqədə "Siti"nin ikinci qolunu vurub. Holand ikinci hissənin 69-cu dəqiqəsində dubl edib.

İngiltərə Premyer Liqasında bu gün keçirilən digər görüşlərdə aşağıdakı nəticələr alınıb:

"Bornmut" – "Bernli" – 1:1
Qollar: Antuan Semenyo (67); Armando Broya (90)

"Brayton" – "Sanderlend" – 0:0

"Vulverhempton" – "Brentford" – 0:2
Qollar: Kin Lyuis-Potter (63, 83)