Sport24.az
"Premyer liqada komanda sayının artması müsbət haldır. Belədə yerli futboloçuların oynamaq şansı da artacaq. Əsas odur gənclərin futbola marağı olsun". Bu sözləri Sport24.az-a açıqlamasında U-17-nin baş məşqçisi İlham yadullayev deyib.
49 yaşlı mütəxəssis yeni mövsümdə ləğv olunacaq legioner limitininə də münasibət bildirib:
"Legioner limitinin aradan götürülməsinin pis və ya yaxşı olacağını zaman göstərəcək. Fikrimcə, bu qərar U-21-də işləyən baş məşqçiyə çətinlik yarada bilər. Amma biz öz işimizi görürük. 17 yaşlı futbolçuların çempionatı davam edir. Hər zaman gənclərə deyirəm ki, sizin son nöqtəniz Premyer Liqada oynamaqdır. Çətin olacaq, amma bunun öhdəsindən gəlmək lazımdır".
Yadullayev bizimlə söhbətdə Premyer Liqada cari mövsümü də dəyərləndirib:
"Maraqlı oyunlar izləyirik. Çempionluğa namizəd bəllidir. Bu barədə çox danışmaq yersizdir. Ancaq istər avrokuboklara vəsiqə verən yerlər, istərsə də elitada qalmaq uğrunda gərgin mübarizə gedir".
