Idman.biz
Bir neçə gün əvvəl Səudiyyə Ərəbistanının "Ən-Nəsr" klubunun hücumçusu Kriştianu Ronaldunun idman zalından ideal bədən quruluşunu göstərən görüntülərinə keçmiş futbolçu Zlatan İbrahimoviç cavab verib.
İdman.Biz xəbər verir ki, İbrahimoviç bu dəfə vurduğu qollarla deyil, qaldırdığı ağır ştanqla sosial media istifadəçilərinin diqqətini çəkib.
O, 120 kq-lıq ştanqı iki təkanla başı üzərinə qaldırıb.
Qeyd edək ki, zaman-zaman hər iki futbolçu bir-birinə vurduqları qolları misal çəkərək atmaca atıblar.
Ronaldunun paylaşımında diqqət çəkən məqamlardan biri də onun ayağındakı qaloş olub.
İbrahimoviç peşəkar futbol karyerasına 1990-cı illərin sonunda İsveçin "Malmö" klubunda başlayıb və 2023-cü ildə karyerasını İtaliyanın "Milan" klubunda bitirib. O, çıxış etdiyi ona yaxın klubda 637 oyun keçirib və 405 qol vurub.
