Sport24.az
"Quqeşaşvili ilə Lunyovun gedişi "Qarabağ"a müəyyən çətinliklər yarada bilər. Ağdam təmsilçisi qolkiper məsələsini qısa zamanda həll etməlidi". Bu sözləri Sport24.az-a açıqlamasında Hüseyn Məhəmmədov deyib.
Millinin sabiq üzvü ağdamlıların legioner qapıçı dəvət edəcəyini düşünür: "Qarabağ" transfer siyasəti hamımıza bəllidi. Qurban Qurbanov bir futbolçunun keçidini həll etməmişdən öncə min ölçüb, bir biçir. Düşünürəm ki, baş məşqçi durumu hamıdan yaxşı anlayır və artıq yeni qolkiper axtarışına başlayıblar. Ağdamlıların daxili arenada istədiyi qapıçını tapacağı inandırıcı deyil. Heç şübhəsiz ki, "çərçivə" yə yeni transfer əcnəbi olacaq".
Qeyd edək ki, "Qarabağ"ın iki qolkperi – Andrey Lunyov və Luka Quqeşaşvili mövsümlərarası fasilədə klubdan ayrılacaq.
ABDULLA İSMAYILOĞLU
