Lent.az
Klublardan oyunçuların alınmasına 13 milyard dollardan çox pul xərclənib.
Beynəlxalq Futbol Federasiyasının (FIFA) veb saytında dərc olunmuş hesabatda klubların keçən il oyunçu transferlərinə rekord həddə - 13,08 milyard dollar xərclədiyi göstərilir.
Lent.az-ın xarici mediaya istinadla xəbərinə görə, bu, 2024-cü ildəki 8,59 milyard dollarlıq ümumi məbləğdən 52,3 faiz artım deməkdir. Əvvəlki rekord 2023-cü ildə qeydə alınıb, o zaman komandalar oyunçular üçün 9,6 milyard dollar ödəyiblər. Ümumilikdə 24.558 transfer qeydə alınıb ki, bu da 2024-cü ildəki 22.794 rekorddan 7,7 faiz artım deməkdir.
"Liverpul" Aleksander İsakı 172 milyon dollara (125 milyon funt sterlinq) alaraq Britaniya bazarında rekord bir müqavilə imzalayıb. Bu müqavilə 2025-ci ilin ən bahalı transferi olub. "Liverpul" həmçinin Leverkuzen "Bayer"indən Florian Virtsi (145 milyon dollar) və "Ayntraxt"dan Yuqo Ekitikeni (113 milyon dollar) transferlər edib. 2025-ci ildə oyunçulara ən çox pul xərcləyən ilk üç klub "Mançester Siti", "Liverpul" və "Çelsi" olub.
Kişi futbolunda ən çox transfer Braziliya klublarından Portuqaliya klublarına (184), qadın futbolunda isə Rusiya klublarından Belarus klublarına (36) edilib.
Qadın futbolunda da artım müşahidə olunub, 2440 transfer (+6,3 faiz) və ümumi xərclər 28,6 milyon dollar təşkil edib ki, bu da 2024-cü illə müqayisədə 80 faizdən çox artım deməkdir.
