Sport24.az
Fransalı mərkəz müdafiəçi Malanq Sarr kayerasını Səudiyyə Ərəbistanında davam etdirəcək. Sport24.az xəbər verir ki, 26 yaşlı futbolçu azad agent kimi "Neom" ilə razılığa gəlib.
Bu barədə insayder Fabrisio Romano "X" sosial şəbəkə hesabında paylaşım edib.
Məlumata görə, Sarrın Avropanın beş klubundan təklif almasına baxmayaraq, o, uzunmüddətli layihəyə görə Səudiyyə Ərəbistanı təmsilçisini seçib.
Tərəflər arasında bütün razılaşmalar əldə olunub və müqavilənin rəsmiləşdirilməsi üçün son sənədlər imzalanır. Son olaraq "Lans"ın formasını geyinən mərkəz müdafiəçisi yeni klubuna transfer haqqı ödənilmədən qoşulacaq.
