Idman.biz
"Barselona"nın baş məşqçisi Hans-Diter Flik "İnter"in və İtaliya milli komandasının müdafiəçisi Alessandro Bastoninin böyük fanatıdır və onu Kataloniya klubuna transfer etmək istəyir.
İdman.Biz bildirir ki, jurnalist Florian Plettenberq bu barədə sosial mediada məlumat verib.
İnsayderin məlumatına görə, "Barselona" italyanın nümayəndələri ilə danışıqlar aparır. Lakin oyunçunu transfer etmək üçün "blauqrana" öz heyət üzvlərindən birini satmaqla transfer büdcəsini artırmalıdır.
Bu mövsüm italyan futbolçu klubun heyətində bütün yarışlarda 35 oyunda meydana çıxıb, iki qol vurub və altı məhsuldar ötürmə edib. İtaliya üçün son oyununda, 2026-cı il dünya çempionatının seçmə mərhələsinin son oyununda (1:1, penaltilər seriyasında 1:4) müdafiəçi ilk hissənin sonlarında meydandan qovulub.
