Sport24.az
"Flamenqo" hazırda Səudiyyə Ərəbistanının "Əl-Hilal" klubunda oynayan "Liverpul" keçmiş hücumçusu Darvin Nunesi transfer etməyi düşünür. Sport24.az xəbər verir ki, bu barədə UOL nəşri məlumat yayıb.
Mənbənin sözlərinə görə, "Flamenqo" Səudiyyə klubuna sorğu göndərib. Lakin uruqvaylı hücumçunun "Əl-Hilal"dakı yüksək maaşı səbəbindən transfer reallaşmaya da bilər. Brazliya klubu həmçinin alternativ varint kimi "Tottenhem"in oyunçusu Riçarlisonu da gözdən keçirir.
Qeyd edək ki, Darvin Nunes "qırmızılar"la İngiltərə Premyer Liqasını, FA kubokunu və Liqa Kubokunu qazanıb. O, 2025-ci ildə Səudiyyə Ərəbistanına üz tutub. Uruqvaylı "Əl-Hilal"da 22 oyun keçirib, yeddi qol vurub və beş məhsuldar ötürmə edib.
