Sport24.az
Azərbaycan Kubokunun 2023/24 mövsümünün finalına yüksələn "Qarabağ" və "Zirə" ikinci dəfə həlledici görüşdə üz-üzə gələcək.
Sport24.az xəbər verir ki, bu komandalar 2021/22 mövsümündə də finalda qarşılaşıblar.
Yarımfinalı adlayan bu iki klub kubokun finalında bir dəfədən artıq qarşılaşacaq 6-cı cütdür. İndiyədək 5 duel yenidən finalda təkrarlanıb.
Kubok mövsümünün son matçında "Neftçi" - "Qarabağ" cütü üç dəfə qeydə alınıb. "Neftçi" - "Şəmkir", "Kəpəz" - "Qarabağ", "Xəzər Lənkəran" - "İnter", "Neftçi" - "Qəbələ" matçları iki finala təsadüf edib.
