"3 xal bizə hava-su kimi lazım idi. Oyuna istədiyimiz kimi başlamadıq. Rəqib sıx müdafiə olunmaqla erkən qol istəyimizi reallaşdırmağa imkan vermədi. Əksinə, bizi əks-hücumda yaxalayıb hesabı açdılar. Amma həvəsdən düşmədik və toparlanmağı bacardıq. İlk yarıda 2 qol vurub fasiləyə üstün yollandıq. İkinci yarıda üstünlüyümüzü bir qədər də artırmaqla qələbəni rəsmiləşdirdik ki, buna görə çox sevnirəm". Bu sözləri Sport24.az-a açıqlamasında "Neftçi"nin futbolçusu Filip Ozobiç deyib.
Təcrübəli yarımmüdafiəçi "Kəpəz" (5:1) üzərində böyükhesablı qələbədən sonra bütün diqqətlərini son 2 matça yönəldəcəklərini bildirməklə yanaşı, səhv etmək haqlarının olmadığını da vurğulayıb: "Mövsümdə vacib xallar itirdik. Artıq çempionatın finişinə 2 tur qalıb. Odur ki, qarşıdakı iki oyunda son dərəcə diqqətli olub sonadək mübarizə aparmalıyıq. Səhv etməyə haqqımız yoxdu. Hər iki oyunda maksimum nəticə qazanıb avrokuboka vəsiqəni təmin etməliyik".
Qeyd edək ki, hazırda aktivində 53 xal olan paytaxt təmsilçisi turnir cədvəlinin ikinci yerdədi
ABDULLA İSMAYILOĞLU